Оқушылардың өз армандаған мамандығын шығармашылық жолмен көрсету,көркем ойлау дағдыларын дамыту мақсатында «Менің армандаған мамандығым» тақырыбында сурет байқауы өтті.

9-сынып оқушыларымен «Еуразия технико-экономикалық колледжі» мекемесінің маман иелерінің қатысуымен кәсіби бағдар беру мақсатында танымдық кездесу ұйымдастырылып өткізілді. Қатысқан бала саны: 40 болды. Кездесу жоғары деңгейде ұйымдастырылып, мазмұнды әрі нәтижелі өтті.Оқушыларға еңбек нарығындағы сұранысқа ие мамандықтар,жеке қабілет пен қызығушылықты ескере отырып, дұрыс шешім қабылдаудың маңыздылығы түсіндірілді.

2026 жылдың қаңтар айының 15-де «Жарқын жастық-Баянды болашақ» 9сыныптың  25 оқушысы «Адилет колледжі» студенттерімен кездесуге барды.Іс-шара барысында оқушылар колледждің оқу жүйесімен, мамандық түрлерімен және студенттік өмірмен танысты.Кездесу барысында колледж студенттері өз тәжірибелерімен бөлісіп, мамандық таңдаудың маңыздылығы туралы айтып өтті. Сонымен қатар оқушылар өздерін қызықтырған сұрақтарын қойып, толық жауап алды. 

 9-сыныптың 23 оқушысымен «Мамандық таңдау-болашаққа қадам» тақырыбында кәсіби бағдар беру тренингі өткізілді.Тренингтің негізгі мақсаты-оқушылардың болашақ мамандықты саналы түрде таңдауына ықпал ету,жеке қабілеттері мен қызығушылықтарын анықтауға бағыт беру.

№108 мектеп-гимназиясының ұжымы Қазақстан Республикасының Президенті Қасым-Жомарт Тоқаевтың бастамасымен ұйымдастырылған «Таза Қазақстан» республикалық экологиялық акциясына белсенді қатысты. Аталған акция экологиялық мәдениетті қалыптастыруға, «Адал адам – Адал еңбек – Адал табыс» құндылықтарын насихаттауға, сондай-ақ қоршаған ортаға ұқыпты қарауға бағытталған.

2026 жылдың ақпан айында  аудандық деңгейде өткізілген «Менің мамандығым» тақырыбындағы байқауға мектебіміздің 10-сынып оқушылары Ибрашева Дана,Умбеталиева Лаура  белсенді түрде қатысты. Байқаудың негізгі мақсаты – оқушылардың болашақ мамандыққа деген қызығушылығын арттыру, кәсіби бағдар беру және өз таңдауларын саналы түрде жасауға бағыттау болды.Қатысушыларымыз алғыс хаттармен марапатталды.

№108 мектеп-гимназиясының базасында балалардың қауіпсіздігін қамтамасыз ету және терроризм мен экстремизмнің алдын алу мәселелеріне арналған кезекті ата-аналар жиналысы ұйымдастырылды. Жиналыстың негізгі мақсаты: Ата-аналардың құқықтық сауаттылығын арттыру, балалардың интернеттегі және қоғамдық орындардағы қауіпсіздігін бақылауды күшейту, сондай-ақ төтенше жағдайлар кезіндегі іс-қимыл ережелерін түсіндіру.

Алматы қаласы Білім басқармасы ұйымдастыруымен жүзеге асырылған «Бір мектеп-бір мансап» жобасы аясында  9-сыныптың 15 оқушы  ұлдары кәсіби бағдар беру жұмыстары шеңберінде «Аллюр авто» ЖШС өндірістік базасына экскурсияға барды.                           

 10-сыныптың 26 оқушыларымен «Narxoz university»  мамандары кездесу өткізді.  Кездесу барысында университет мамандары оқу орны туралы жан-жақты мәлімет беріп, ұсынылатын мамандықтар, оқу жүйесі, грант мүмкіндіктері және студенттік өмірдің ерекшеліктері туралы таныстырылым жасады.

2026 жылдың наурыз айында «Менің болашақ мамандығым» жәрмеңкесіне 9-10-сыныптың 20 оқушысы барды. Оқушылар өздерін қызықтырған мамандықтар бойынша сұрақтар қойып, болашақта қандай бағытты таңдауға болатыны жөнінде нақты түсінік қалыптастырды. Жәрмеңке оқушылардың ой-өрісін кеңейтіп, мамандық таңдауға деген жауапкершілігін күшейтуге оң әсерін тигізді