«Қауіпсіз орта — бақытты балалық шақ»

«Қауіпсіз орта — бақытты балалық шақ» 🛡

Бүгін №108 мектеп-гимназиямызда оқушылардың құқықтық сауаттылығын арттыру және қауіпсіздігін қамтамасыз ету мақсатында құқық қорғау органдарының қызметкерлерімен маңызды кездесу өтті. Ювеналды полиция инспекторлары оқушыларға қазіргі қоғамда жиі кездесетін буллинг (қоқан-лоқы көрсету) және сталкинг (артынан қудалау/аңду) тақырыптарында түсіндірме жұмыстарын жүргізді.

Шара барысында полиция қызметкерлері балаларға мынадай маңызды мәселелерді егжей-тегжейлі түсіндіріп өтті:

• Буллинг және кибербуллинг: Мектептегі немесе әлеуметтік желідегі қысымның құқықтық салдары;

• Сталкинг: Интернетте немесе шынайы өмірде біреудің артынан қудалаудың, мазасын алудың заң бойынша жауапкершілігі;

Біздің мақсатымыз — әрбір баланың мектеп қабырғасында өзін қауіпсіз әрі жайлы сезінуі. Кездесу соңында оқушылар көкейкесті сұрақтарын қойып, заң аясында нақты жауаптар алды.