Тұсауы кесілген талап: №108 мектеп-гимназиясында 0-сынып бүлдіршіндері Наурыз мейрамын тойлады Ұлыстың ұлы күні — Наурыз мейрамы қарсаңында мектебіміздің мектепалды даярлық сыныптарында «Армысың, әз-Наурыз!» атты мерекелік іс-шара өтті. Бұл шара бүлдіршіндердің ұлттық салт-дәстүрге деген алғашқы қадамдарын айқындап, мерекелік рух сыйлады. Мереке барысында 0-сынып оқушылары өз өнерлерін ортаға салды:

№108 мектеп-гимназиясында Жаңару күні атап өтілді Көктемнің шуақты күндерімен қатар келген Наурызнама онкүндігі аясында мектебімізде Жаңару күні ерекше мазмұнда өтті. Бұл күн — өткенге есеп беріп, болашаққа жаңа жоспарлар құрудың, рухани жаңғыру мен таза ниеттің символы.

Табиғат – тал бесігіміз: №108 мектеп-гимназиясында «Тазару күні» өтті Наурыз мейрамының рухани және экологиялық мәнін аша түсетін Тазару күні біздің мектеп-гимназиямызда жоғары деңгейде атап өтілді. Халқымыздың «Бұлақ көрсең, көзін аш», «Бір тал кессең, он тал ек» деген аталы сөзін ту еткен бұл күн қоршаған ортаны тазартуға және экологиялық тәрбиеге бағытталды.

Наурызнама онкүндігі аясында мектебімізде қазақы болмысты дәріптеуге бағытталған «Ұлттық киім – ұлт қазынасы» атты кең көлемді челлендж өтті. Бұл бастамаға мектеп әкімшілігінен бастап, ұстаздар қауымы, техникалық қызметкерлер және барлық сынып оқушылары бір кісідей атсалысты. Челлендждің басты мақсаты — өскелең ұрпақтың бойында ұлттық кодты сақтау, қазақтың төл киімдерін күнделікті өмірде мақтанышпен кию мәдениетін қалыптастыру. Шара барысында мектеп дәліздері нағыз этно-ауыл бейнесіне енді.

Руханият бесігі: №108 мектеп-гимназиясында Мәдениет және ұлттық салт-дәстүр күні өтті Наурыз мейрамының әр күніне ерекше маңыз берілген биылғы мерекелік апталық аясында 17 наурыз – Мәдениет және ұлттық салт-дәстүр күні білім ордамызда жоғары деңгейде атап өтілді. Бұл күн ұлттық болмысымызды ұлықтауға, жас ұрпақтың бойына мәдени құндылықтарды сіңіруге арналды.

Амал келді – жыл келді: №108 мектеп-гимназиясында Көрісу күні тойланды Наурыз мейрамының бастауы саналатын, халқымыздың ежелден келе жатқан атаулы күні — Көрісу айты (Амал мерекесі) №108 мектеп-гимназиясында ерекше сән-салтанатпен атап өтілді. Бұл күні мектеп табалдырығын аттаған әрбір қызметкер мен оқушы «Бір жасыңыз құтты болсын!» деген ақ тілекпен бір-біріне амандық тілеп, қауышты. Мерекелік шараның басты мақсаты — өскелең ұрпаққа ұлттық салт-дәстүрімізді дәріптеу, үлкенге құрмет, кішіге

Мектебімізде жас таланттардың басын қосқан «Көркем сөз шеберлері» атты оқушылар арасындағы мәнерлеп оқу жарысы өз мәресіне жетті. Шараның басты мақсаты — өскелең ұрпақтың ана тіліне деген сүйіспеншілігін арттыру, көркем әдебиетті насихаттау және оқушылардың сахналық мәдениетін қалыптастыру.

Көктемнің шуақты мерекесі мектебімізде салтанатпен атап өтілді! 🌷✨ 8 наурыз — Халықаралық әйелдер күніне орай «Ана — өмірдің шуағы» атты мерекелік іс-шара өтті. Кеш барысында мектеп оқушылары аяулы ұстаздар мен ардақты аналарға арнап ән шырқап, күмбірлеген күй төгіп, мың бұралған билерін тарту етті. 🎶🕺 Мектеп директоры барша нәзік жандыларды мерекемен құттықтап, жылы лебізін білдірді. Шәкірттердің ыстық ықыласы мен мерекелік қойылымдар жиналған қауымға көтеріңкі көңіл-күй сыйлады.

Алматы қаласы Білім басқармасы ұйымдастыруымен жүзеге асырылып жатқан «Бір мектеп – бір мансап» жобасы аясында №108 мектеп-гимназиясының 9-сынып оқушы ұлдары кәсіби бағдар беру жұмыстары шеңберінде  « Аллюр Авто »  ЖШС өндірістік базасына танымдық экскурсияға барды. Аталған іс-шараның негізгі мақсаты – білім алушыларды өндірістік саламен таныстыру, техникалық және инженерлік мамандықтардың маңыздылығын түсіндіру, оқушылардың болашақ кәсіби бағытын айқындауына ықпал ету, сондай-ақ еңбек